ញាំមីសួគ្រឿងសមុទ្ទ

#គ្រឿងផ្សំ៖

- បង្គារ និងមឹកបំពង់ (មឹកកាត់ជាដុំតូចរួចអង្កន់អោយទៅជាក្រឡាការ៉ូ)

- មីសួ ស្រុះក្នុងទឹកក្តៅ ៣នាទី រួចស្រង់ទុក

- ជីគ្រប់មុខ បេះនឹងលាងសម្អាតអោយស្អាត

- ខ្ទឹមក្រហមហាន់ស្តើងៗ

- ស្ពៃក្តោបហាន់ជាសរសៃឆ្មារៗ

- ម្ទេសផ្លោកហាន់ជាសរសៃឆ្មារៗ

- ការ៉ុត ឈូសជាសរសៃ

- ម្ទេសដៃនាង ឬម្ទេសខ្មាំងហាន់ល្អិតៗ

- សណ្តែកបណ្តុះ

- សណ្តែកដីលីង

- ទឹកម្ទេស (ទឹកម្ទេសដែលមានគ្រាប់ម្ទេស)

- ស្រាចិនសែ

- ស្ករស ទឹកត្រី អំបិល ទឹកក្រូចឆ្មា ខ្ទឹមស

#វិធីធ្វើ៖

(ទឹកត្រីបុក)

១. ដាក់ខ្ទះ ឬឆ្នាំងលើភ្លើងរួចដាំទឹកអោយពុះ

២. ដាក់ស្ករសចូលរួចកូរអោយរលាយហើយដាក់ចុះ

៣. បុកខ្ទឹមស និងខ្ទឹមក្រហមរួចលាយជាមួយទឹកស្ករដែលយើងបានដាំ

៤. បន្ថែម អំបិល ទឹកត្រី ទឹកក្រូចឆ្មារចូល។

(បង្គារ និងមឹក)

៥. ដាំទឹកអោយពុះរួចដាក់បង្គារ និងមឹកចូល អ្នកអាចដាក់ស្រាចិនបន្តិចទៅក្នុងទឹកពេលកំពុងពុះដើម្បីបំបាត់ក្លិនឆ្អាប ស្រង់ទុកនៅពេលដែលបង្គារ និងមឹកឆ្អិន។

(បន្លែ)

៦. ប្រើប្រាស់ចានធំមួយ ដាក់បង្គារ និងមឹកដែលឆ្អិនហើយចូល រួចដាក់ទឹកត្រីបុក (កុំដាក់ទាំងអស់) បន្ថែមជាមួយទឹកម្ទេសរួចច្របល់អោយចូលជាតិ

៧. ដាក់មីសួ នឹងបន្លែ ជី រួចច្របល់អោយសព្វ

៨. បន្ថែមទឹកត្រីបុកបន្ថែមអាស្រ័យទៅលើរសជាតិដែលអ្នកត្រូវការ

៩. ដួសដាក់ចានសម្រាប់ទទួលទាន៕